Gəncədə sakinlərin narazılığına səbəb olan məsələyə İcra Hakimiyyəti münasibət bildirib. Bu haqda Gencexeber.az 10 iyul tarixində məlumat verir.
Bir neçə gün öncə Mahrasa bağında aparılan işlərin sakinlərin narazılığına səbəb olması barədə məlumat vermişdik. Məsələ ilə bağlı İcra Hakimiyyətinə müraciət olunub.
Qurumdan bildirilib ki, sözügedən ərazi Əmlak Məsələləri Dövlət Xidməti Daşınmaz Əmlakın Dövlət Kadastrı və Reyestri tərəfindən “Səma - 4” MTK-ya 5 illik icarəyə verilib. Gəncə şəhər İcra Hakimiyyəti tərəfindən burada hər hansı bir tikintinin aparılmasına icazə verilməyib.
Həmçinin qeyd olunub ki, ərazinin hansı məqsədlə icarəyə götürülməsi barədə qurumda məlumat yoxdur.
