Şəmkir Rayon Kür Qəsəbə Xəstəxanasında həkim çatışmazlığı problemi mövcuddur.
Gencexeber.az məlumat verir ki, yeni təmirdən çıxan və bütün müasir avadanlıqlarla təmin olunan tibb ocağında bu gün ciddi həkim çatışmazlığı problemi yaşanır. Belə ki, 56 çarpayılıq xəstəxanada günün tələbləri səviyyəsində tibbi xidmət göstərilməsi üçün lazımi şərait yaradılıb. Xəstəxana binası müasir inventar və avadanlıqla tam təchiz edilib. Lakin qəsəbə sakinlərinin sözlərinə görə, bu gün xəstəxanada Təcili yardım və digər bir necə sahə üzrə burada həkim çalışsa da, digər sahələr üzrə həkim çatışmır.
Bu isə sakinlər üçün əlavə vaxt itkisi və yol xərcləri deməkdir. Çünki çatışmayan sahə üzrə həkimə müraciət etmək üçün qəsəbə sakinləri Şəmkir rayon Mərkəzi xəstəxanasına üz tutmalı olurlar. Əlavə edilib ki, Sovetlər dönəmində xəstəxanada hər sahə üzrə həkim olub. Burada hətta cərrahiyyə şöbəsi fəaliyyət göstərib.
“İndi biz endokrinoloq, LOR, terapevt və başqa həkimin qəbuluna düşmək üçün yalnız Şəmkir rayon Mərkəzi xəstəxanasına getməliyik. Öz qəsəbəmizdə belə gözəl xəstəxana olduğu halda, yenidən burada bütün həkimlərin olmasını istəyirik”, - vətəndaşlardan biri qeyd edib.
Qeyd edək ki, Şəmkir rayonunun Kür qəsəbəsinin xəstəxanası yalnız qəsəbə sakinləri deyil, eyni zamanda ətrafda olan bir neçə kəndin sakinlərinə - ümumilikdə 27 min nəfərə xidmət göstərir.
[caption id="attachment_73323" align="alignnone" width="696"]
[/caption]
[caption id="attachment_73322" align="alignnone" width="696"]
[/caption]
