Gəncə Dövlət Dram Teatrının aktrisasının doğum günüdür. Bu haqda Gencexeber.az 2 aprel tarixində məlumat verir.
Söhbət Pərvanə Yaqub qızı Qurbanovadan gedir. Xalq artisti 2 aprel 1965-ci ildə anadan olub. 1981-ci ildə Gəncə Dövlət Dram teatrında fəaliyyətə başlayıb. Bu illər ərzində “Xeyir və Şər”də Kürd qızı, “Məhəbbət əfsanəsi”ndə Şirin, “Bəhram şah”da Afaq, “Məhəbbətin qənimi”ndə Sədaqət və digər obrazlar yaradıb. Pərvanə Qurbanovanın Milli kino sahəsində də xidmətləri olub.
Sənətçi Teatr xadimləri ittifaqının üzvüdür. “Qızıl Dərviş” mükafatı laureatıdır və 2000-ci ildən Azərbaycan Respublikasının Xalq artistidir. Bundan əlavə, teatr və kino aktrisası bir neçə dəfə Prezident Mükafatına layiq görülüb.
