Gəncədə yazıb-yaradan şairin bu gün doğum günüdür. Bu haqda Gencexeber.az-a 22 may tarixində məlumat daxil olub.
Söhbət Aydın Murovdağlıdan gedir. Şair 22 may 1954-ci ildə Qərbi Azərbaycanda anadan olub. Onun 4-5 yaşı olanda valideynləri ilə birgə Azərbaycana köçür. Orta təhsilini Xanlar (indiki Göygöl) rayonunda alıb. Həsən bəy Zərdabi adına Gəncə Dövlət Pedaqoji İnstitutunun Filologiya fakültəsini bitirən Aydın təyinatla Lerik rayonunda ədəbiyyat müəllimi işləyib.
O, poeziyaya uşaqlıqdan həvəs göstərib. Bir çox şeirlərin müəllifidir. Şairin şeirləri "Ulduz" və "Azərbaycan" jurnallarında dərc olunub. 1912-ci ildə çapdan çıxan "Yuxusuz işıq" kitabı şairə şöhrət qazandırıb. Murovdağlı "Qızıl güllər tonqal", "Qapısız dünya", "Dirilən ağrılar”, “Zəlzələ", "Keçmişin gələcəyi ilə görüş" və digər şeir kitablarının müəllifidir.
Aydın Murovdağlı Azərbaycan Yazıçılar Birliyinin və Jurnalistlər Birliyinin üzvü, Prezident mükafatçısıdır.
