Gəncədə bilyard üzrə yarış keçirilib. Bu haqda 29 mart tarixində Gənclər və İdman Baş idarəsinə istinadən məlumat veririk.
"Sərbəst Piramida" mərhələsi üzrə “Gəncə kuboku” Gənclər və İdman Baş İdarəsinin, “Gəncə İdman Klubu” İctimai Birliyinin təşkilatçılığı, Azərbaycan Bilyard Federasiyasının dəstəyi ilə “Heydər Əliyev İli” münasibətilə təşkil olunub.
Açılış hissəsində Gənclər və İdman Baş İdarəsinin rəisi Həmid Nəsirov, şəhər Statistika İdarəsinin rəisi Elşən Məmmədov və “Gəncə İdman Klubu” İctimai Birliyinin idarə heyətinin sədri Elvar Osmanov çıxış edərək, yarış iştirakçılarına uğurlar arzulayıblar.
Sonda qaliblər diplom, təşəkkürnamə və hədiyyələrlə mükafatlandırılıblar.
