Gəncədə bayram günlərində təcili tibbi yardıma olunan müraciətlərin sayı açıqlanıb. Bu haqda 28 mart tarixində Şəhər Birləşmiş Xəstəxanasına istinadən məlumat veririk.
Novruz bayramı ilə əlaqədar qeyri-iş günlərində Gəncə Şəhər Birləşmiş Xəstəxanasının Təcili və Təxirəsalınmaz Tibbi Yardım şöbəsi 7/24 gücləndirilmiş iş rejimində fəaliyyət göstərib. Həmin günlərdə ümumilikdə 2652 müraciət daxil olub.
Çağırış səbəbləri, əsasən, respirator xəstəliklər, arterial təzyiqin qalxması, mədə-bağırsaq funksiyasının pozulması və s. ilə bağlı idi.
