2024-cü ilin yanvar-oktyabr aylarında Azərbaycana 562.5 min ABŞ dolları dəyərində, 5804 ədəd eşitmə aparatları gətirilib.
Apa.аz Dövlət Statistika Komitəsinə istinadən xəbər verir ki, bu göstəricinin həcmi 2023-cü ilin müvafiq dövrü ilə müqayisədə 44.6% və ya 4 669 ədəd azdır. Belə ki, 2023-cü ilin ilk 10 ayında 985,5 min ABŞ dolları dəyərində, 10 473 ədəd eşitmə aparatları idxal olunub.
Qeyd edək ki, hesabat dövründə Azərbaycana gətirilən eşitmə aparatlarının bir ədədinin orta idxal qiyməti 164.8 manat təşkil edib.
Xatırladaq ki, 2024-cü ilin ilk 10 ayında eşitmə aparatları Çindən (4708 ədəd), Sinqapurdan (576 ədəd), Türkiyədən (209) və digər ölkələrdən gətirilib.
