Müğənni Aysun İsmayılova açıqlamaları ilə diqqət çəkib.
Gencexeber.az məlumat verir ki, ifaçı ATV telekanalında yayımlanan "7 Tamam" verilişində keçmiş həyat yoldaşının qızını görməyə gəlmədiyini deyib.
“Nənə və babayla danışır da, görüşür də. Amma atası ilə görüşmür. İstəsə, görüşər. Uşağımın atası da, anası da özüməm. Nə qədər küskünlük olsa da, övlad övladdır. Nə zaman istəsə, övladını görə bilər. İstəmərəm ki, övladım mənim həyatımı yaşasın, atasız böyüsün. Övladımın atasıdır, haqqında pis nəsə demərəm. Dayələri də tanıyır, nömrəsini də bilir. Nə vaxt istəsə övladını görə bilər".
Həmçinin verilişdə müğənninin anası Rəqsanə İsmayılova efirə zəng edərək kövrəlib. O, qızının da özü kimi eyni taleyi yaşadığını vurğulayıb:
“Bu gün Aysun balasını əziyyətlə tək böyüdür. Necə ki, mən Aysunu tək, əziyyətlə böyütmüşəm. Aysuna qurban olum. O, çox ağıllıdır. Onunla fəxr edirəm. Ondan danışanda kədər məni boğur, ağlayıram. İstəyirəm ki, Aysun çox xoşbəxt olsun”.
Xatırladaq ki, cütlük bu ayın yanvar ayında ayrılıb.
Qeyd edək ki, Aysun İsmayılova 25 may 1979-cu ildə Goranboyda dünyaya gələn tanınmış müğənni Rəqsanə İsmayılovanın qızıdır.
