Gəncə Şəhər İcra Hakimiyyəti Mənzil Kommunal Təsərrüfatı İstehsalat Birliyi (MKTİB) tərəfindən şəhərin müxtəlif park və xiyabanlarına yaz fəslinin gəlişi ilə əlaqədar olaraq dekorativ gül-çiçəklərin əkin prosesi davam etdirilir.
Gencexeber.аz məlumat verir ki, qurumun Yaşıllaşdırma şöbəsinin tingçilik sahəsinin istixanalarında yerli mütəxəssislər tərəfindən yetişdirilən mövsümü güllər artıq "Avropa Gənclər paytaxtı 2016" parkına əkilir.
Bitkilərin daha uzunömürlü olması üçün əkindən öncə ərazi şumlanıb, torpaq, torf və müxtəlif gübrələrlə zənginləşdirilib. Yaşıllaşdırma aksiyasına MKTİB-nin canlı qüvvə və texnikaları cəlb olunub.
