Gəncədə universitetlərdən biri dolmuş plan yerlərinin sayını açıqlayıb. Bu haqda 24 avqust tarixində ATU-ya istinadən məlumat veririk.
Magistraturaya qəbul imtahanlarının II tur nəticələri elan olunub. Azərbaycan Texnologiya Universitetinin məlumatına əsasən, 2023/2024-cü tədris ilində təhsil müəssisəsinə magistratura üzrə 179 plan yerinə 174 nəfər qəbul olub. Bu, qəbulun 97,2%-ni təşkil edir.
Qeyd edək ki, qəbul olunan şəxslər 28 avqust 11:00-dan 4 sentyabr saat 18:00‑dək elektron qaydada qeydiyyatdan keçməlidirlər. Bunun üçün https://portal.edu.az/ platformasında kabinet yaratmaq lazımdır.
