Gəncədə universitetlərdən biri plan yerlərinin sayını açıqlayıb. Bu haqda 20 iyul tarixində ATU-ya istinadən məlumat veririk.
Azərbaycan Texnologiya Universitetinin (ATU) magistratura səviyyəsinə I turun nəticələrinə əsasən, 172 nəfər qəbul olub. Universitetin məlumatına əsasən, bu göstərici ilə plan yerlərinin 96%-i dolub. Magistratura səviyyəsi üzrə təhsil müəssisəsində 7 boş yer qalıb. Onlar aşağıdakılardır:
- MBA proqramı üzrə Biznesin təşkili və idarə edilməsi (menecment) (tədris ingilis dilində) ixtisaslaşması - 4 yer – 1750 manat;
- Nəqliyyat xidmətləri üçün böhran və risklərin idarə edilməsi ixtisaslaşması - 2 yer – 1350 manat;
- Şəhər nəqliyyat şəbəkəsi və nəqliyyat xidmətlərinin təşkili ixtisaslaşması - 1 yer – 1350 manat.
Qeyd edək ki, magistraturaya qəbul olmuş şəxslər 21 iyul saat 11:00-dan 31 iyul saat 18:00-dək elektron qaydada qeydiyyatdan keçməlidirlər. Bunun üçün https://portal.edu.az/ platformasında kabinet yaradaraq, daxil olduqdan sonra təqdim edilən xidmətlər sırasında “Ali və orta ixtisas təhsili müəssisələrinə təhsilalan qeydiyyatı” xidmətini seçmək lazımdır.
