Azərbaycan Texnologiya Universitetinin (ATU) 55 illik yubileyi çərçivəsində ATU-nun təşkilatçılığı, Azərbaycan Respublikasının Gənclər Fondu, İnnovasiya və Rəqəmsal İnkişaf Agentliyinin dəstəyi ilə ölkənin ən iri startap yarışlarından biri - "GreenTech II" Startap və yaşıl texnologiyalar müsabiqəsinin final mərhələsi keçirilib.
Gencexeber.az məlumat verir ki, tədbirin rəsmi açılış hissəsində Azərbaycan Texnologiya Universitetinin rektoru Yaşar Ömərov, Azərbaycan Respublikasının Gənclər Fondunun icraçı direktoru vəzifəsini icra edən Qədir Xəlilov və Milli Məclisin deputatı Pərvin Kərimzadə çıxış ediblər.
Müsabiqədə respublikanın 30 ali təhsil müəssisəsindən 80 komanda “Rəqəmsal ekologiya”, “Robototexnika”, “Yaşıl nəqliyyat texnologiyaları” və “Davamlı inkişaf üçün sosial innovasiyalar” olmaqla 4 kateqoriya üzrə I, II, III və həvəsləndirici yerlər uğrunda mübarizə aparıb.
Fərqlənən komandalar sertifikat və hədiyyələrlə təltif olunublar.
