Gəncə “ASAN xidmət”inin qadın əməkdaşları voleybol turnirində iştirak ediblər. Bu haqda 25 iyun tarixində Vətəndaşlara Xidmət və Sosial İnnovasiyalar üzrə Dövlət Agentliyinə istinadən xəbər veririk.
Final mərhələsi keçirilən turnirdə Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin sədri Ulvi Mehdiyev, Azərbaycan Voleybol Federasiyasının vitse-prezidenti Bəhruz Quliyev və digər qonaqlar iştirak ediblər.
Turnirdə 1-ci yeri 1 saylı Gəncə “ASAN xidmət”in, 2-ci yeri İnnovasiyalar Mərkəzinin, 3-cü yeri isə 3 saylı Bakı "ASAN xidmət"in komandası tutub. Oyun Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin və Azərbaycan Voleybol Federasiyasının birgə təşkilatçılığı ilə gerçəkləşib.
