Parlamentdə Milli Məclisin Aqrar siyasət komitəsinin təşkilatçılığı ilə "İxtisaslı kadr hazırlığı aqrar sektorun inkişafının əsasıdır" mövzusunda ictimai dinləmə keçirilib.
Gencexeber.az məlumat verir ki, tədbirdə Milli Məclisin deputatları, Kənd Təsərrüfatı, Elm və Təhsil nazirliklərinin, Milli Məclis Aparatının, Azərbaycan Dövlət Aqrar Universitetinin (ADAU) nümayəndələri, kənd təsərrüfatı sahəsində elmi-tədqiqat institutlarının rəhbərləri, Qida Təhlükəsizliyi Agentliyinin, Gəncə Dövlət Aqrar Kollecinin və digər əlaqədar qurumların əməkdaşları iştirak ediblər.
Gəncəni təmsil edən millət vəkili Naqif Həmzəyev tədbir zamanı aqrar təhsildə praktiki imkanların məhdudluğuna diqqət çəkib. Onun sözlərinə görə, Aqrar Universitetinin təcrübə torpaqları kifayət deyil və bu səbəbdən təhsil ocağında istehsal olunan məhsullar bazara çıxarıla bilmir.
N.Həmzəyev qeyd edib ki, bir sıra ölkələrdə bu praktika mövcuddur və Azərbaycanda da bu modelin tətbiqi vacibdir.
