Müdafiə Nazirliyi vətəndaşlara müraciət edib. Bu haqda 17 fevral tarixində quruma istinadən məlumat veririk.
Sabah, fevralın 18-də Azərbaycan Ordusunun təlim hissə və bölmələrində gənc əsgərlərin andiçmə mərasimləri baş tutacaq. Şəxsi heyətin sağlamlığını qorumaq məqsədilə tədbir qapalı şəraitdə keçiriləcək.
Bu səbəbdən valideynlərin, ictimaiyyət və media nümayəndələrinin andiçmə mərasimlərində iştirakı məhdudlaşdırılacaq. Qeyd olunanları nəzərə alaraq, sözügedən şəxslərin bu qərarı anlayışla qarşılamaları və andiçmə mərasimlərinə gəlməməkləri xahiş olunub.
