“Azərbaycan Dəmir Yolları” (ADY) QSC kəskin hava şəraiti ilə əlaqədar sərnişinlərin təhlükəsiz hərəkətini təmin etmək üçün tədbirlər görür.
Gencexeber.az xəbər verir ki, bu barədə ADY məlumat yayıb.
Bildirilib ki, QSC yenidən kəskinləşən hava şəraiti və aramsız qar yağması ilə əlaqədar olaraq, dəmiryol stansiya, vağzal və dayanacaqlarında intensiv təmizlik və təhlükəsizlik tədbirləri görür.
Sərnişinlərin təhlükəsiz hərəkətini təmin etmək məqsədilə platformalar, piyada keçidi və körpüləri qardan təmizlənir, xüsusi örtüklü cığırlar salınır.
Sərnişinlərdən hərəkət zamanı ehtiyatlı olmaları xahiş olunur.
