Təhsildə Keyfiyyət Təminatı Agentliyi (TKTA) tərəfindən ADAU-EGE ikili diplom proqramının akkreditasiya qiymətləndirilməsindən keçməsi ilə bağlı şəhadətnamə təqdim olunub.
Gencexeber.az-a Azərbaycan Dövlət Aqrar Universitetindən (ADAU) verilən məlumatda qeyd edilib ki, Elm və Təhsil Nazirliyinin Akkreditasiya Şurasının qərarı ilə Azərbaycan Dövlət Aqrar Universiteti ilə Ege Universiteti arasında icra olunan ikili diplom proqramının akkreditasiya qiymətləndirilməsinin nəticələrinə əsasən, müvafiq şəhadətnamə universitet nümayəndələrinə təqdim edilib.
Tədbirdə TKTA-nın İdarə Heyətinin sədri Tural Əhmədov və ikili diplom proqramlarının təmsilçiləri proqramların daha səmərəli fəaliyyət göstərməsi mövzusunda fikir mübadiləsi aparıblar. Görüş iştirakçıları ikili diplom proqramlarının əhatə dairəsinə uyğun kadr hazırlığının inkişafı istiqamətinin də əhəmiyyətindən danışıblar.
Görüşün sonunda müvafiq sertifikatların təqdimetmə mərasimi keçirilib və xatirə şəkilləri çəkilib.
