Gəncədə universitetlər boş qalan yerlərin siyahısını paylaşıblar.
Təhsil ocaqlarının rəsmi məlumatına əsasən, Azərbaycan Dövlət Aqrar Universitetində 47, Azərbaycan Texnologiya Universitetində isə ümumilikdə 78 plan yeri vakant qalıb.
ADAU-da boş yerlərin siyahısı:
- Maşın mühəndisliyi (az.) - 7 yer (əyani);
- Elektrik və elektronika mühəndisliyi (rus) - 3 yer (əyani);
- Həyat fəaliyyətinin təhlükəsizliyi mühəndisliyi (az.) - 12 yer (əyani);
- Yer quruluşu və daşınmaz əmlakın kadastrı (az.) - 5 yer əyani, 10 yer qiyabi;
- Su bioehtiyatları və akvakultura (az.) - 10 yer (əyani).
ATU-da boş qalan yerlər:
- Həyat fəaliyyətinin təhlükəsizliyi mühəndisliyi - 15 yer;
- Maşın mühəndisliyi - 12 yer;
- Metallurgiya mühəndisliyi - 12 yer;
- Sənaye mühəndisliyi - 14 yer;
- Beynəlxalq ticarət və logistika - 10 yer;
- İqtisadiyyat (ingilis dilində) - 15 yer.
Qeyd edək ki, II tur boş qalan yerlərə ixtisas seçimi bu gün, avqustun 28-i başlayıb və sentyabrın 2-dək davam edəcək.
