ADAU təkrar ali təhsil almaq üçün sənəd qəbulu elan edib

Gəncədə Azərbaycan Dövlət Aqrar Universitetində təhsil almaq istəyən tələbələr qeyd olunan ixtisaslar üzrə 2024/2025-ci tədris ilində təkrar ali təhsil almaq üçün müraciət edə bilərlər. Bu haqda 5 iyun tarixində ADAU-ya istinadən xəbər veririk.

Sənədlərin qəbulu 04 iyun - 31 avqust tarixlərində “portal.edu.az” saytının vasitəsi ilə həyata keçiriləcək. Təkrar ali təhsil ödənişli müqavilə əsasında olur. Müvafiq ixtisas üzrə bakalavriat (və ona bərabər tutulan) səviyyəsi üçün mövcud olan baza təhsil proqramlarındakı ümumi və ixtisas fənn bölümlərini əhatə etməklə tədris olunacaq təkrar təhsil tələbənin baza təhsil proqramı ilə yeni ixtisasın baza təhsil proqramı arasındakı fərq əsasında aparılır.

Əvvəl aldığı ixtisasın təhsil proqramında öyrənilmiş fənlərin məzmunu yeni almaq istədiyi əlavə ixtisasın təhsil proqramına daxil olan hər hansı fənnin məzmununa uyğun olduqda, şəxs həmin fənlər üzrə cari və aralıq attestasiyadan azad olunur. Təkrar ali təhsil almaq üçün tələb olunan sənədlər aşağıdakılardır:

• Rektorun adına ərizə;


• Ali təhsil haqqında sənədin (diplomun və ona əlavənin) notarial qaydada təsdiq olunmuş surəti;


• İş yerindən arayış (işlədiyi halda);


• 3x4 sm ölçüdə 4 ədəd fotoşəkil;


• Şəxsiyyət vəsiqəsinin surəti;


• Fərdi müqavilə


• Təhsil haqqını ödəmək barədə sənəd ;


• Sağlamlıq haqqında arayış;


• İpli qovluq.

Əlavə məlumat üçün ADAU Tədris şöbəsinə müraciət edə bilərsiniz.