Azərbaycan Dövlət Aqrar Universitetinin (ADAU) İnnovasiyalar mərkəzinin təşkilatçılığı ilə oyun tərtibatı proqramı layihəsinə start verilib.
Gencexeber.az bildirir ki, İnnovasiya və Rəqəmsal İnkişaf Agentliyinin dəstəyi və “IGDA Azerbaijan”ın təşkilatçılığı ilə oyun tərtibatı təlimi keçirilib.
Mərkəzin direktoru Elvin Ağayev, “IGDA Azerbaijan”ın rəhbəri İlqar Əlirzayev çıxış edərək iştirakçılara layihə haqqında məlumat veriblər. Bildirilib ki, layihə fevral-may aylarında Gəncə şəhərində oyun tərtibatına maraq göstərən gənclər üçün keçiriləcək.
12 təlim və master-klasdan ibarət layihənin sonunda iştirakçılar oyun dizaynı, proqramlaşdırma və oyun mühərrikindən istifadə üzrə oyun hakatonunda iştirak edəcəklər.
