Azərbaycan Dövlət Aqrar Universitetinin (ADAU) Baytarlıq təbabəti fakültəsinin Əczaçılıq kafedrasının təşkilatçılığı ilə “Əczaçılıq 2030: qlobal çağırışlar, müasir yanaşmalar” adlı elmi-praktiki seminar keçirilib.
Gencexeber.az məlumat verir ki, tədbirdə ADAU-nun rektoru Zəfər Qurbanov, Türkiyə Respublikasının Gəncə şəhərində Baş konsulu Recep Öztop, professor-müəllim heyəti, əczaçılıq şirkətlərinin nümayəndələri və tələbələr iştirak ediblər.
Seminarda “əczaçılıq” ixtisasında oxuyan Türkiyə Respublikası vətəndaşı olan tələbələr əczaçılığın müasir problemləri və gələcək inkişaf perspektivləri haqqında ətraflı məlumatlarla çıxışlar ediblər.
Sonda çıxış edən tələbələr sertifikatlarla təltif olunublar.
Qeyd edək ki, elmi-praktik seminar BMT-nin Dayanıqlı İnkişaf Məqsədlərinin (DİM) “Yaxşı səhiyyə və rifah” bəndinə müvafiq olaraq keçirilib.
