Gəncədə beynəlxalq tədbir keçirilib. Bu haqda 4 oktyabr tarixində ADAU-ya istinadən məlumat veririk.
“Dayanıqlı Ərzaq Təhlükəsizliyində Elm və İnnovasiyaların Rolu” mövzusunda beynəlxalq forum Azərbaycan Dövlət Aqrar Universitetində BMT-nin Ərzaq və Kənd Təsərrüfatı Təşkilatının (FAO) Azərbaycan Nümayəndəliyi ilə birlikdə təşkil olunub. Burada ADAU-nun rektoru Zəfər Qurbanov bildirib ki, FAO tərəfindən 3-5 oktyabr 2023-cü il tarixləri Avropa və Mərkəzi Asiya üçün regional Elm və İnnovasiya Həftəsi olaraq qeyd edilir. O, təhsil müəssisəsində bu sahədə görülən işlər və həyata keçiriləcək layihələrdən danışıb.
Daha sonra FAO Azərbaycan nümayəndəliyinin tərəfdaşlıq və əməliyyatlar üzrə mütəxəssisi Aynur Seidyusif, Kənd Təsərrüfatı Nazirliyinin İnnovasiya Mərkəzinin direktoru Anar Cəfərov, Aqrar Xidmətlər Agentliyinin sədr müavini Cəfər Məhərrəmov və “Zərərvericilərə qarşı inteqrir mübarizə tədbirləri və fumiqasiya” adlı ilk panelin iştirakçıları çıxış ediblər.
İkinci panelin açılışında Respublika Süni Mayalanma Mərkəzinin direktoru Elton Əbdürrəhmanov çıxış edib. O, forumu yüksək qiymətləndirib.
Çıxışlardan sonra forum iştirakçılarının sualları cavablandırılıb.
Sonda birgə xatirə şəkli çəkdirilib.
