Gəncə Olimpiya İdman klubunun yetirməsi beynəlxalq yarının qalibi oldu.
Gencexeber.az-ın əldə etdiyi məlumata görə, Gəncə şəhəri 27 nömrəli məktəb-liseyin 3-ü sinif şagirdi Betül İsmayıl Türkiyənin İstanbul şəhərində keçirilən “Ritmika Cup” Beynəlxalq bədii gimnastika yarışında iştirak edib.
2016-cı il təvəllüdlü Betül topla çıxış edərək münsiflər heyətinin rəğbətini qazanmağa müvəffəq olub. Qızcığaz buna görə birinci yerə layiq görülüb.
Qeyd edək ki, Betül İsmayıl Gəncə Olimpiya İdman Klubunda məşqçi Nurcahan Əliyevanın rəhbərliyi altında bədii gimnastika ilə məşğul olur.
