Goranboyda itin hücum etdiyi 16 yaşlı oğlanın son durumu məlum olub.
Gencexeber.az-a TƏBİB-dən bildirilib ki, bu gün saat 13:30 radələrində 2009-cu il təvəllüdlü şəxs (kişi cinsli) it dişləməsi səbəbi ilə Goranboy Rayon Mərkəzi Xəstəxanasına hospitalizasiya olunub.
“Ona sağ baldırın orta üçdə birinin dişlənmiş yarası diaqnozu təyin edilib. Pasiyentə zəruri tibbi yardım göstərildikdən sonra ambulator müalicə üçün evə buraxılıb”, - açıqlamada qeyd olunub.
14:40
Goranboyda yeniyetmə küçə itinin hücumuna məruz qalıb.
Gencexeber.az-ın məlumatına əsasən, hadisə rayonun Balakürd kəndində qeydə alınıb.
Kənd sakini 2009-cu il təvəllüdlü Sərxan Kərimov küçə itinin hücumuna məruz qalıb.
16 yaşlı yeniyetmə xəstəxanaya yerləşdirilib. Ona ilkin tibbi yardım göstərilib, vəziyyəti kafidir.
