Gəncədə bir nəfər bədbəxt hadisə nəticəsində dünyasını dəyişib. Bu haqda 20 may tarixində FHN-ə istinadən məlumat veririk.
14 yaşlı Murad Allahverdiyevin yaxınları onun itkin düşdüyü barədə polisə müraciət ediblər. Daha sonra Fövqəladə Hallar Nazirliyinin “112” qaynar telefon xəttinə Gəncəçayın Gülüstan qəsəbəsi ərazisindən keçən hissəsində 1 nəfərin batması barədə ilkin məlumat daxil olub.
Əraziyə qurumun xilasediciləri cəlb ediliblər. Nəticədə itkin düşən yeniyetmənin cansız bədəni çaydan çıxarılıb və aidiyyəti üzrə təhvil verilib.
Muradın çayda batdığı ehtimal olunur.
Faktla bağlı araşdırma aparılır.
