10 il öncə canını VƏTƏNİNƏ fəda etdi...
Bu gün Aprel döyüşlərinin şəhidi İnqilab Quliyevin anım günüdür.
Gencexeber.az məlumat verir ki, İnqilab Çingiz oğlu Quliyev 13 aprel 1983-cü ildə Tərtər rayonunda doğulub. 1989-cu ildə Kəlbəcər rayonunun İstisu qəsəbə tam orta məktəbinin birinci sinfinə daxil olmuşdur.
2000-ci ildə Heydər Əliyev adına Azərbaycan Ali Hərbi Məktəbinin "Raket və artilleriya silahlarının istismarı və təmiri" ixtisasına qəbul olunub. 2005-ci ildə təhsilini başa vuraraq Müdafiə Nazirliyinin "N" saylı hərbi hissəsində leytenant rütbəsi ilə xidmətə başlamış, ikil il sonra baş leytenant, 2011-ci ildə isə kapitan hərbi rütbəsi alıb.
2 aprel 2016-cı ildə Ermənistan-Azərbaycan təmas xəttində baş vermiş və tarixə "4 günlük müharibə" kimi düşmüş Aprel döyüşləri zamanı qəhrəmancasına şəhid olub.
İnqilab Çingiz oğlu Quliyev Azərbaycan Respublikasi Prezidentinin Azərbaycan Respublikası Silahlı Qüvvələrinin hərbi qulluqçularının təltif edilməsi haqqında 19 aprel 2016-cı il tarixli Sərəncamı ilə "İgidliyə görə" (ölümündən sonra) medalı ilə təltif edilib.
Gəncə Şəhidlər Xiyabanında dəfn edilən qəhrəmanımız ailəli idi, iki övladı yadigar qalıb.
