Gəncədə qazılmış ərazi bir neçə gündür olduğu kimi qalıb. Bu haqda Gencexeber.az-a 30 sentyabr tarixində məlumat daxil olub.
Söhbət şəhərin Heydər Əliyev prospekti ilə Ruzigar Qasımov küçəsinin kəsişməsindən gedir. Ərazidə bir müddət öncə kommunal qəza baş verib. Daha sonra “Azərsu”nun əməkdaşları həmin yeri qazıblar. İşlər yekunlaşmadığı üçün ərazinin üstü açıq qalıb və ətrafı lentə alınıb.
Bu mənzərə bir neçə gündür müşahidə olunur. Sürücülər bildirirlər ki, sözügedən məsələ hərəkətə maneə törədir.
