Gencexeber.az-ın işıqlandırdığı daha bir problem həllini tapdı. Bu haqda redaksiyamıza 1 fevral tarixində məlumat daxil olub.
3 yanvar tarixində şəhərin Həsən Əliyev küçəsinin gecələr işıqlandırılmaması haqda yazmışdıq. Sakinlərin sözlərinə görə bir neçə ay idi ki, yolun kənarında quraşdırılan işıq dirəkləri işləmirdi. Bu hal həm sürücülər, həm də piyadalar üçün təhlükə yaradırdı. Bu gün əldə etdiyimiz məlumata əsasən, küçənin qaranlığa qərq olan hissəsi işıqlandırılıb.
Qeyd edək ki, həmin ərazinin yaxınlığında 4 nömrəli tam orta məktəb yerləşir. Şagirdlər dərsdən axşam vaxtı qayıdanda valideynlər narahat olurdular.
