Gəncədə şagirdə xəsarət yetirilib. Bu haqda 16 aprel tarixində Report-a istinadən məlumat veririk.
Hadisə şəhərin 36 nömrəli tam orta məktəbində qeydə alınıb. Dördüncü dərsdən sonrakı tənəffüsdə 9-cu sinif şagirdi Əziz Vəliyev sanitar qovşaqda 16 yaşlı sinif yoldaşı Oruc Quliyevin ayaq hissəsinə kəsilmiş şüşə parçası ilə xəsarət yetirib.
Zərərçəkmiş xəstəxanaya aparılıb. Onun vəziyyəti normaldır. Hazırda Gəncə şəhəri üzrə təhsil sektoru və hüquq-mühafizə orqanlarının əməkdaşları məktəbdədirlər.
Faktla bağlı araşdırma aparılır. Müvafiq araşdırmalara başlanılıb, məsələyə hüquqi qiymət veriləcək.
