Gəncənin Təbriz küçəsi 12-ci döngə ünvanındakı sakinlər küçənin işıqlandırılmamasından və yolda asfalt örtüyünün olmamasından narazıdırlar. Bu haqda izləyicilərimiz məlumat verib.
Onların sözlərinə görə, həmin dalanın az hissəsi asfaltlanıb, geri qalanı isə yox. Yağmurlu havada gölməçələr yaranır, su evlərin zirzəmilərinə və həyətlərə dolur. Piyadaların geyimləri və ayaqqabıları palçığa batır.
Bundan əlavə küçə işıqlandırılmadığı üçün gecə saatlarında sakinlər çətinlik çəkirlər. "Burda dəfələrlə uşaqlar, yaşlılar işıq olmadığı üçün yıxılıblar" - deyə sakinlər bildirir.
