Fikrət Əmirov adına Gəncə Dövlət Filarmoniyasında tədbir keçiriləcək. Gencexeber.az iticket.az-a istinadən məlumat verir ki, yüzlərcə şamdan ibarət zalda "Üzüklərin Hökmdarı" filmlərindən musiqi gecəsi təqdim olunacaq.
Konsert 22 sentyabr saat 19:00-da təşkil ediləcək. Burada müasir orkestrin ifasında “Mystery Ensemble” musiqiçilərinin virtuoz ifaları baş tutacaq. Həmçinin, dünyaca məşhur kanadalı bəstəkar və dirijor – Hovard Şorun valehedici melodiyaları ifa olunacaq.
Tədbirin biletləri 10 manatdan 50 manata qədərdir. Onları iticket.az saytından və ya Filarmoniyanın kassasından əldə etmək olar.
Ünvan: Fikrət Əmirov adına Gəncə Dövlət Filarmoniyası, Attarlar küçəsi, 135.
