Gəncədə avtomobil qəza törədib. Bu haqda Gencexeber.az-a 29 avqust tarixində məlumat daxil olub.
Hadisə Atatürk prospekti ilə Cavadxan küçəsinin kəsişməsində baş verib. Yüksək sürətlə hərəkət edən “Kia” markalı avtomobil “Toyota” ilə toqquşub. Daha sonra o, yolu keçmək istəyən qadını vurub. Nəticədə piyada xəsarətlər alıb. Sürücü qadını xəstəxanaya çatdırıb. Onun vəziyyətinin ağır olduğu bildirilir.
Şahidlər bildiriblər ki, “Toyota” markalı avtomobilin sürücüsünün halı pisləşdiyi üçün ona ilkin tibbi yardım göstərilib.
Hadisə yerinə polis əməkdaşları cəlb olunublar. Faktla bağlı araşdırma aparılır.
