Tovuzda yol-nəqliyyat hadisəsi baş verib.
APA xəbər verir ki, hadisə rayonun Aşağı Quşçu kəndində qeydə alınıb. "VAZ 2106 " ilə "VAZ 21011" markalı minik avtomobillərinin toqquşması nəticəsində 7 nəfər xəsarət alıb.
Bildirilib ki, Tovuz rayon Qovlar şəhər sakini 1966-cı il təvəllüdlü Məcid Bədirov, 2023-cü il təvəllüdlü Onur Bədirov, Tovuz şəhər sakini 1970-ci il təvəllüdlü Xanım Bədirova, Əyyublu kənd sakini 1994-cü il təvəllüdlü Gülnar Xəlilova,1992-ci il təvəllüdlü Şahmar Məmmədov,1963-cü il təvəllüdlü Səlfinaz Rüstəmova, Şəmkir rayon sakini 1996-cı il təvəllüdlü Sevinc Nəbiyeva müxtəlif bədən xəsarətləri ilə Tovuz rayon mərkəzi xəstəxanasına çatdırılıblar.
Onlara ilkin tibbi yardım göstərilib. Azyaşlının vəziyyəti ağır olduğundan reanimasiya şöbəsinə yerləşdirilib.
Faktla bağlı araşdırma başlanıb.
[caption id="attachment_67730" align="alignnone" width="696"]
[/caption]
