Yevlax Şəhər İcra Hakimiyyətinin başçısının Vətən müharibəsi şəhidi, polkovnik-leytenant Soltan Məmmədovun ailə üzvləri ilə görüşü baş tutub. Şəhidlik zirvəsinə yüksəlmiş, polkovnik-leytenantın qızı Məmmədova Ləman Soltan qızı Xəzər Universitetinə qəbul olub.
Görüşdə Şəhər İcra Hakimiyyəti Başçısının müavini-İctimai siyasi və humanitar məsələlər şöbəsinin müdiri Elnarə Əzizova, Aparatın Vətən müharibəsi iştirakçıları və şəhid ailələri ilə işin təşkili şöbəsinin müdiri Vasif İsayev, şəhidin həyat yoldaşı Tünzalə Məmmədova, Şəhidin bacısı Tərifə Məmmədova və qızı Ləman Məmmədova iştirak ediblər.
Qeyd edək ki, Soltan oktyabrın 10-da Suqovuşan istiqamətində gedən döyüşlərdə şəhid olub. O, Yevlax şəhər Şəhidlər Xiyabanında dəfn edilib. Prezidentin müvafiq Sərəncamları ilə “Vətən uğrunda”, “Suqovuşanın azad olunmasına görə”, “Laçının azad olunmasına görə” medalları ilə və “Azərbaycan bayrağı” ordeni ilə təltif olunub.
