Gəncədə bəzi ərazilər axşam saatlarında işıqlandırılmır. Bu haqda Gencexeber.az-a 15 iyun tarixində məlumat daxil olub.
Söhbət şəhərin Yeni Gəncə qəsəbəsindəki Mehmandarov küçəsi və onunla kəsişən dalanlardan gedir. Sözügedən ərazilərdə aylar öncə yeni işıq dirəkləri quraşdırılıb. Lakin sakinlərin sözlərinə görə, gecə vaxtı küçələr işıqlandırılmır.
“Dirəklər yeni qoyulanda istifadə olunurdu, dalanlar işıqlandırılırdı. Bir müddət sonra məhəllələrimiz qaranlığa qərq oldu. Hava qaralandan sonra burada göz gözü görmür. Mehmandarov küçəsində isə tez-tez qəza şəraiti yaranır. Bu ərazilərin yenidən işıqlandırılmağını arzu edirik”, - deyə sakinlər qeyd ediblər.
[modula id="39176"]
