Daşkəsəndə “Yaylaq günü” qeyd olunub.
Tədbirdə Dövlət Filarmoniyasının musiqi heyəti, solistləri və el aşıqları çıxış ediblər. Həmçinin, Gəncə Dövlət Dram və Kukla teatrlarının aktyorları müxtəlif səhnəciklər təqdim ediblər. “Yaylaq günü” festivalı çərçivəsində şux rəqslər, sərgilər, əl işləri, yaylaq məhsullarının nümayişi və satışı olub. Qonaqlara milli kulinariya nümunələri təqdim olunub.
“Yaylaq günü”nün qeyd edilməsində məqsəd Azərbaycan xalqının zəngin və çoxəsrlik mədəni irsinin, yüzillərlə formalaşmış yaylaq ənənəsinin təbliği, əhalinin asudə vaxtının səmərəli təşkili, eyni zamanda rayonun dayanıqlı turizm potensialının üzə çıxarılmasından ibarətdir.
