Gəncədə gömrük sistemi ilə bağlı tədbir keçirilib. Bu haqda 1 mart tarixində Gömrük Komitəsinə istinadən məlumat veririk.
Görüş Gəncə və Tovuz gömrük idarələrinin birgə təşkilatçılığı ilə baş tutub. Tədbir Məhsəti Gəncəvi Mərkəzində təşkil olunub. Buraya gömrük idarələrinin fəaliyyət zonalarına daxil olan xarici ticarət iştirakçıları qatılıblar.
Görüşdə Gömrük İnkişaf Modeli, “Smart-Bot” mobil tətbiqi, “Avtomatlaşdırılmış Risk Analiz Sistemi” və bu sistemin sərhəd modulu, “Səlahiyyətli İqtisadi Operator” layihələrinin təqdimatı keçirilib. Həmçinin “Malların kodunu əvvəlcədən müəyyən etməyə imkan verən XİF MN Tövsiyə sistemi” barədə məlumat verilib.
Daha sonra idxal və ixrac əməliyyatlarında qarşıya çıxan məsələlər müzakirə edilib, sahibkarların rəy və təklifləri öyrənilib, onların sualları cavablandırılıb.
