Gəncədə Xalq artisti Ramiz Quliyevlə görüş keçiriləcək. Gencexeber.az iticket.az-a istinadən məlumat verir ki, görüş oktyabrın 6-da Fikrət Əmirov adına Gəncə Dövlət Filarmoniyasında olacaq.
Tədbir “Üzbəüz” layihəsi çərçivəsində baş tutacaq. Burada Gəncənin mədəniyyət, incəsənət xadimləri və gənclər iştirak edəcəklər.
Görkəmli tarzən, Xalq artisti, Dövlət mükafatı laureatı, “Şöhrət” və “Şərəf” ordenli Ramiz Quliyevlə görüş tar ifaçılığının keçdiyi dövr və milli musiqi dəyərlərinin qorunması ilə bağlıdır.
Biletləri Filarmoniyanın kassalarından və iticket.az saytından əldə etmək mümkündür.
