Gəncə Olimpiya İdman Kompleksində rəqs müsabiqəsi keçirilib. Bu haqda 29 yanvar tarixində İcra Hakimiyyətinə istinadən xəbər veririk.
Müsabiqə "Azərbaycan Gənclər İttifaqı" İctimai Birliyinin nəzdində olan "Azərbaycan Rəqs Assosiasiyası"nın təşkilatçılığı ilə baş tutub. Burada Bakı şəhəri, Ağstafa, Zaqatala, Lənkəran, Qax, Şəki və digər bölgələrdən olan rəqs qrupları mübarizə aparıb.
Tədbirdə "Xəmsə" Rəqs Ansamblı 5 rəqs nömrəsi ilə birinciliyi əldə edib. Ansambl, həmçinin "Qran Pri" mükafatına layiq görülərək 2024-cü ilin Azərbaycan Kuboku - Çempionlar Liqasında iştirak hüququ qazanıb.
