Gəncədə təhsil alanlar respublika olimpiadasında iştirak ediblər. Bu haqda 3 iyul tarixində ADAU-ya istinadən məlumat veririk.
İqtisadiyyat Nazirliyi yanında Dövlət Vergi Xidməti və “PWC Azərbaycan” şirkətinin birgə təşkilatçılığı ilə ali təhsil müəssisələrinin tələbələri arasında Heydər Əliyevin xatirəsinə həsr olunmuş “Vergilər” mövzusunda ümumrespublika olimpiadası keçirilib. Burada iştirak edən Azərbaycan Dövlət Aqrar Universitetinin (ADAU) bir qrup tələbəsi ilə görüş təşkil olunub.
Universitetin rektoru vəzifəsini icra edən Zəfər Qurbanov qalib tələbələri təbrik edərək onlara uğurlar arzulayıb. Olimpiadalarda iştirakın onların intellekt səviyyələrinin və biliklərinin inkişafında xüsusi rol oynadağından danışan Qurbanov gənclərə öz tövsiyələrini verib.
Yarışda ADAU-nu təmsil edən altı nəfər tələbədən Aqrar İqtisadiyyat fakültəsinin lV kurs tələbəsi Sahil Məmmədov 86 balla lV yeri tutub.
