Gəncədə Novruz tədbiri keçirilib. Bu haqda 15 mart tarixində İcra Hakimiyyətinə istinadən məlumat veririk.
Şənlik Azərbaycan Texnologiya Universitetində təşkil olunub. Burada icra başçısı Niyazi Bayramov, Daşkəsən Rayon İcra Hakimiyyətinin başçısı Əhəd Abıyev, Azərbaycan Texnologiya Universitetinin rektor əvəzi Yaşar Ömərov və digər qonaqlar iştirak ediblər.
Tədbirdə rəqs, musiqi nömrələri, idmançıların çıxışları təqdim olunub. Bundan başqa, UTECA fakültələri arasında qədim idman növlərindən olan kəndir dartma yarışı keçirilib. Niyazi Bayramov qonaqlarla birgə istedadlı gənclərin əl işlərindən ibarət sərgiyə və Novruz xonçalarına baxış keçirib.
Sonda tədbirdə iştirak edən qazilər universitetin baş meydanında Novruz tonqalını alovlandırıblar.
