Gəncədə təhsil ocaqlarında tədbirlər keçirilib. Bu haqda 7 mart tarixində ATU-ya və ADAU-ya istinadən xəbər veririk.
Azərbaycan Texnologiya Universitetində və Azərbaycan Dövlət Aqrar Universitetində 8 Mart - Beynəlxalq Qadınlar Günü münasibətilə tədbirlər baş tutub.
Azərbaycan Texnologiya Universitetinin rektoru vəzifəsini müvəqqəti icra edən dosent Yaşar Ömərov və Azərbaycan Dövlət Aqrar Universitetinin tərbiyə işləri üzrə prorektoru Aidə Qasımova tədbirlərdə iştirak ediblər. Onlar universitetlərin qadın əməkdaşlarını və tələbələrini Beynəlxalq Qadınlar Günü münasibətilə təbrik ediblər.
Daha sonra tədbirdə qeyd olunub ki, ərazi bütövlüyümüzün bərpa olunmasında qadınlarımızın da özünəməxsus payı var. Çünki məhz onların dünyaya gətirdiyi, böyüdüb boya-başa çatdırdığı oğulların qəhrəmanlığı sayəsində torpaqlarımız işğaldan azad edilib.
