Gəncə Dövlət Universitetində təşkil edilən yay məktəbi davam edir. Bu haqda 1 avqust tarixində GDU-ya istinadən xəbər veririk.
Yay məktəbinin üçüncü günü türkiyəli mütəxəssislər təlim keçiblər. Burada İzmir Yüksək Texnologiya İnstitutunun nümayəndələri repozitorun proqram təminatını seçimi, institusional repozitorların texniki tələbləri və spesifikasiyaları, Dspace proqramına məlumatların daxil edilməsi kimi mövzular haqqında danışıblar.
Günün ikinci yarısında qonaqlar Nizami Gəncəvi məqbərəsi və muzeyi, Gəncə Qala Qapıları-Arxeologiya və Etnoqrafiya Muzeyi Abidə Kompleksi və İmamzadə Dini Kompleksini ziyarət ediblər. Görüş GDU-nun tərəfdaş və Xəzər Universitetinin koordinatoru olduğu Erasmus+KA2 proqramının “Azərbaycanda İnstitusional Repozitoriyalar (Elektron Arxiv) şəbəkəsi vasitəsilə tədqiqat potensialının inkişafı” (DIRNA) adlı layihəsi çərçivəsində baş tutub.
