Gəncədə tələbələrlə maarifləndirici tədbir keçirilib. Bu haqda 1 may tarixində GDU-ya istinadən məlumat veririk.
Təhsil Tələbə Krediti Fondunun (TTKF) nümayəndələri Gəncə Dövlət Universitetində olublar. Burada qurumun Təhsil məsələləri üzrə iş şöbəsinin baş mütəxəssisi Günay Xəlilova kreditlərin verilməsinin şərtləri, mərhələləri və kredit şərtlərinin üstünlükləri barədə ətraflı məlumat verib. Bildirib ki, fondun əsas missiyası təhsilin hamı, xüsusilə də əhalinin aztəminatlı təbəqələrindən olan şəxslər üçün əlçatanlığının təmin edilməsi, təhsildə bərabər imkanların yaradılmasıdır. Həmçinin vurğulanıb ki, TTKF fəaliyyətə başladığı dövrdən Gəncə Dövlət Universitetinin tələbələri daha fəal olublar.
Görüşün sonunda tələbələrin mövzu ilə bağlı sualları cavablandırılıb.
