Gəncədə təhsil müəssisələrində çalışan bir sıra şəxslərlə görüş baş tutub. Bu haqda 30 sentyabr tarixində Regional Təhsil İdarəsinə istinadən məlumat veririk.
Gəncə-Daşkəsən Regional Təhsil İdarəsinin tabeliyində fəaliyyət göstərən ümumtəhsil məktəblərində fəaliyyət göstərən TTÜDM və üsulbirləşmə rəhbərləri ilə görüş keçirilib. Burada 376 nəfər təhsil işçisi iştirak edib.
Tədrisin keyfiyyəti sektorunun müdiri Sevinc Quliyeva məktəbin pedaqoji işinin təşkilində üsulbirləşmə rəhbərinin və üzvlərinin vəzifələrindən, istedadlı şagirdlərlə işin təşkilindən və məktəbdaxili qiymətləndirmə vasitələrinin təlim nəticələrinə müvafiq olaraq, tərtibinin vacibliyindən danışıb. Görüşdə 13 nömrəli tam orta məktəbin direktoru Gülnar Hüseynova dərsdinləmənin təşkili və müzakirəsi haqqında məlumat verib.
Sonda görüş iştirakçılarını maraqlandıran suallar cavablandırılıb.
