Tovuz Rayon İcra Hakimiyyəti, YAP Tovuz rayon Təşkilatı və Qazax-Tovuz Regional Gənclər və İdman İdarəsinin Tovuz rayonu üzrə Gənclər və İdman sektorunun birgə təşkilatçılığı ilə Tovuz rayon Aşağı Öysüzlü kəndi ərazisində ağacəkmə aksiyası olub.
Gencexeber.az Qazax-Tovuz Regional Gənclər və İdman İdarəsinə istinadən məlumat verir ki, aksiyada Tovuz rayonu üzrə Gənclər və İdman sektorunun əməkdaşları, bir qrup rayon gəncləri və YAP Tovuz rayon Təşkilatının könüllüləri iştirak ediblər. Aksiyanın keçirilməsində məqsəd ətraf mühitin mühafizəsi və yaşıllıqların genişləndirilməsi, ekoloji tarazlığın qorunması olub. Ağacəkmə aksiyasında 80 ədəd eldar şamı əkilərək suvarılıb. Ağacəkmə aksiyasında 45 nəfər iştirak edib.
