Gəncədə xəstəxanaların birində tədbir baş tutub. Bu haqda 2 dekabr tarixində Şəhər Birləşmiş Xəstəxanasına istinadən xəbər veririk.
Azyaşlı uşaqlar, hamilə və zahı qadınlar üçün ev ziyarəti xidmətinə nəzarətin gücləndirilməsinə dair tədbir keçirilib. Tədbir Şəhər Birləşmiş Xəstəxanasında "Tibbi Ərazi Bölmələri İdarəetmə Birliyi"nin müvafiq əmrinə əsasən baş tutub. Burada patronaj xidməti ilə bağlı tibb işçiləri ilə müzakirələr aparılıb və suallar cavablandırılıb.
Tədbirdə, həmçinin azyaşlı uşaqlar, hamilə və zahı qadınların patronaj xidməti zamanı problemlə nəticələnə bilən risklərin vaxtında aşkarlanması, aradan qaldırılması və istiqamətləndirilməsi, antenatal qulluq və erkən yaşlı uşaqların patronaj xidmətinin keyfiyyətinin yüksəldilməsi barədə danışılıb.
