Gəncədə Azərbaycan Texnologiya Universitetinin (ATU) "Qida mühəndisliyi" fakültəsinin Elmi Şurası olub.
Gencexeber.az ATU-ya istinadən məlumat verir ki, toplantıda fakültənin dekanı, Elmi Şuranın sədri dosent Mehman İsmayılov kvorumu nəzərə alaraq iclası açıq elan edib və gündəlikdə duran məsələləri Elmi Şura üzvlərinin diqqətinə çatdırıb.
Tədbirdə dekan müavininin tələbələrin dərsə davamiyyəti, onlarla aparılacaq mühazirə və seminar məşğələlərinin, eləcə də laboratoriya dərslərinin keçirilməsində daha da məsuliyyətli yanaşmanı, eyni zamanda tələbələrlə davranış qaydalarında qayğı və tələblərin normativləri, tələbələrin asudə vaxtlarının səmərəli keçirilməsi istiqamətində çıxışı dinlənilib.
