Gəncədə tanınmış alimlərlə görüş təşkil olunub. Bu haqda 20 sentyabr tarixində Azərbaycan Texnologiyalar Universitetinə istinadən xəbər veririk.
Görüş Azərbaycan Texnologiya Universitetində keçirilib. Burada universitetin rektor vəzifəsini müvəqqəti icra edən Yaşar Ömərov, Molekulyar Biologiya və Biotexnologiyalar Elmi-Tədqiqat institutunun əməkdaşları, Azərbaycan Milli Elmlər Akademiyasının müxbir üzvləri İbrahim Əzizov, İlham Şahmuradov, eləcə də biologiya elmləri doktorları professor Səftər Süleymanov, dosent Şahniyar Bayramov, Molekulyar Biologiya və Biotexnologiyalar İnstitutunun icraçı direktoru Ələmdar Məmmədov və Korçay Dövlət Təbiət Qoruğunun direktoru İlham Məmmədov iştirak ediblər.
Tədbirdə birgə elmi araşdırmaların aparılması, tədbirlərin, konfransların, seminarların təşkili, gənc tədqiqatçılara dəstək, kadr yetişdirilməsi, doktorantlara rəhbərlik və.s kimi məsələlərlə bağlı geniş fikir mübadiləsi aparılıb.
