Gəncədə avtomobillərlə bağlı reyd təşkil olunub. Bu haqda 31 may tarixində Kəpəz televiziyasına istinadən məlumat veririk.
Gəncə Şəhər Dövlət Yol Polisi Şöbəsinin əməkdaşları şəhər ərazisində "Təmiz hava" aylığı ilə bağlı avtomobillərə baxış keçiriblər. Nəticədə texniki nasazlığı olan, atmosferi normadan artıq çirkləndirən, yəni ixrac etdiyi zəhərli qazın miqdarı normadan artıq olan avtomobillərin sürücüləri inzibati qaydada məsuliyyətə cəlb olunublar.
Yol polisi əməkdaşları sürücülərin diqqətinə çatdırıblar ki, nasaz nəqliyyat vasitələri idarə etməsinlər. Çünki “Yol hərəkəti haqqında” qanuna görə, hər bir sürücü nəqliyyat vasitəsini saz vəziyyətdə və qaydalar çərçivəsində saxlamağa borcludur. Bu, sürücülərin qanunla nəzərdə tutulmuş vəzifələrindən biridir. Yol Polisi Şöbəsinin əməkdaşları sürücülərlə bu istiqamətdə maarifləndirici söhbətlər aparıblar.
